Fréttir
Vel heppnaðir hrútafundir
Fyrir skömmu voru haldnir kynningarfundir um hrútakostinn á Sauðfjársæðingastöðinni í haust. Það var Eyþór Einarsson sauðfjárræktarráðunautur RML sem gerði það og auk þess ræddi hann um, erfðagalla, innleiðingu verndandi arfgerða, útkomuna á lambadómum í haust, nýjungar í Fjárvís ofl. Sveinn Sigurmundsson fjallaði um sæðingavertíðina sem framundan er. Fanney Ólöf Lárusdóttir ráðunautur RML fór yfir lambadóma á Suðurlandi og í framhaldi af því voru veitt verðlaun fyrir 5 efstu lambhrútana í hverri sýslu. Fundirnir voru vel sóttir um 150 manns sem sóttu þá. Kaffiveitingar voru í boði Sláturfélags Suðurlands og verðlaunapeningarnir í boði Fóðurblöndunnar og eru þessum fyrirtækjum hér með færðar bestu þakkir fyrir. Á myndinni eru eigendur efstu lambhrútana í Árnessýslu
Skil á haustskýrslum fyrir 20. nóvember
Í samræmi við 10. gr. laga um búfjárhald nr. 38/2013, er öllum umráðamönnum búfjár skylt að skila árlega rafrænni haustskýrslu í Bústofn, eigi síðar en 20. nóvember.
Í haustskýrslunni skal koma fram fjöldi ásetts búfjár af hverri tegund, allt búfé í hagagöngu og á hvaða jörð eða landspildu. Einnig skal koma fram gróffóðursuppskera af hefðbundnum nytjatúnum og leigutúnum ásamt fyrningum og upplýsingum um aðra fóðuröflun og landstærðir.
Hrútaskráin 2024-2025 er komin á vefinn
Hrútaskráin 2024-2025 er komin vefinn. Útgáfan er í höndum sauðfjársæðingastöðvanna og ritstjóri er Guðmundur Jóhannesson RML. Hægt verður að nálgast Hrútaskránna á skrifstofu Búnaðarsambands Suðurlands um miðja næstu viku. Minnum líka við á kynningarfundi sem verða haldnir um hrútakost nýrrar Hrútaskrár:
Mánudagur 18. nóvember í Þingborg kl. 20.00
Þriðjudagur 19. nóvember á Hótel Smyrlabjörgum kl. 14.00
Þriðjudagur 19. nóvember í Kirkjubæjarstofu, Kirkjubæjarklaustri kl. 20.00
Hrútaskrána má finna hér: Hrútaskrá 2024-2025
