Fréttir
Huppa frá Kluftum 100 ára
Það eru 100 ár frá fæðingu Huppu frá Kluftum þriðjudaginn 3. nóvember. Í tilefni af því standa Búnaðarsamband Suðurlands, Hrunamannahreppur og Nautgriparæktarfélag Hrunamanna fyrir málþingi og afmælisfagnaði í félagsheimilinu á Flúðum. Málþingið hefst kl. 11.00 og áætlað er að það standi til kl. 15.20 en endar á kaffisamsæti. Þar verður fjallað um þau miklu áhrif sem Huppa hefur haft á íslenska nautgriparækt en auk þess verða flutt erindi um Kluftir, Huppuhornið, Helga á Hrafnkelsstöðum, kúaliti og kúanöfn.
Málþingið og afmælisfagnaðurinn er öllum opinn og áhugamenn um nautgripi og nautgriparækt sérstaklega velkomnir og ættu ekki að láta þennan viðburð fram hjá sér fara. Dagskráin fylgir hér með.
Niðurstöður tilboða í Angus nautin hjá Nautís
Í dag voru opnuð tilboð í þau 6 Angus naut sem voru boðin til kaups hjá Nautís. Það bárust boð frá 10 rekstraraðilum og reyndist meðalverðið rúmar 2 milljónir í grip. Í fyrra var meðalverðið 1.587 þúsund í naut. Þá fara 3 naut að Hesti til sæðistöku og kyngreiningar á sæði og verða þau ekki seld núna. Nautin verða afhent næstu daga og um leið og nýjum eigendum er óskað til hamingju með gripina vonum við að þeir nýtist vel. Hér fyrir neðan er skjal sem sýnir hæsta tilboð í hvern grip
