2. fundur 2010 – haldinn 29. mars

Fundinn sem haldinn var Selfossi sátu, Guðbjörg Jónsdóttir formaður, Guðni Einarsson, Ragnar Lárusson,  Egill Sigurðsson, Gunnar Eiríksson  og Sveinn Sigurmundsson framkvæmdastjóri.

1.  Ársreikningur 2009
Á fundinn eru mættir Arnór Eggertsson endurskoðandi, Ólafur Þ. Þórarinsson bókari  og skoðunarmenn Ólafur Kristjánsson og Hrafnkell Karlsson.
Á árinu 2009 var hagnaður 24,6 milljónir króna.  Stjórn samtakanna leggur til að hann verði færður til hækkunar á eigin fé eins og fram kemur í skýringum ársreiknings.  Samkvæmt efnahagsreikningi nema heildareignir 230,2 milljónum króna. Eigið fé í árslok nemur 206,6 milljónum króna og hækkar á árinu um 24,6 milljónir króna.  Stjórn Búnaðarsambands Suðurlands staðfestir hér með ársreikning ársins 2009 með undirritun sinni.

2.  Skuldastaða bænda, búnaðarlagasamningur o.fl.
Á fundinn mættu Haraldur Benediktsson form BÍ , Eiríkur Blöndal, Gunnar Guðmundsson og Jóhanna Lind frá Bændasamtökunum.  Einnig mætti á fundinn Runólfur Sigursveinsson og Eggert Þórarinsson . Haraldur gerði grein fyrir stöðu mála varðandi búnaðarlagasamning.  Farið var yfir skuldastöðu bænda og hvernig staða mála er gagnvart bönkunum.  Þá var rætt um hættu vegna Kötlugoss og afleiðingar þess gagnvart bústofni bænda.  Ákveðið var að Sveinn og Eiríkur ræði við Ríkislögreglustjóra og almannavarnir.

3. Aðalfundur
Rætt var um skipulag aðalfundar sem haldinn verður að Kirkjubæjarklaustri 21.apríl 2010 og stefnt að hann hefjist kl. 13:00. Samþykkt var að gefa út ársrit í sem mest óbreyttri mynd.

Fundi slitið,
Guðni Einarsson