2. fundur – haldinn 6. febrúar

Stjórnarfundur BSSL 2/2015.

Á fundinn sem haldinn var á Stóra Ármóti mættu Erlendur Ingvarsson, Ragnar Lárusson formaður, Jón Jónsson, Baldur Indriði Sveinsson og Gunnar Kr. Eiríksson. Sveinn Sigurmundsson sat fundinn og ritaði fundargerð.

Eftir hádegi hófst fundur um málefni tilraunastarfs á Stóra Ármóti. Til fundarins mættu Björn Þorsteinsson, Áslaug Helgadóttir og Jón Hallsteinn Hallsson frá LbhÍ. Valdimar Guðjónsson, Elín Bjarnveig Sveinsdóttir og Ragnar Sigurðsson frá Félagi kúabænda á Suðurlandi. Bjarni Stefánsson sem á sæti í háskólaráði LbhÍ. Sigurður Loftsson frá LK og auk þess bústjórarnir Hilda Pálmadóttir og Höskuldur Gunnarsson.

1. Ákveðið var að stefna að aðalfundi fimmtudaginn 16. apríl og þá að athuga hvort hægt væri að vera á Goðalandi í Fljótshlíð.

2. Stutt yfirlit yfir stöðu fyrirtækjanna. Fyrirtækin fyrir utan Stóra Ármót ehf koma út við núllið.

3. Tilnefndir í gróðurverndanefnd Vestur-Skaftafellsýslu að beiðni sveitastjórnar. Ólafur Þorsteinn Gunnarsson Giljum, Jóhannes Gissurarson Herjólfsstöðum og Jón Jónsson Prestsbakka.

4. Guðmundur Hallgrímsson Bú-Vest er þessa dagana á Skeiðunum að fara í heimsóknir til 10 bænda í verkefninu „Vitund um vinnuvernd“. Ráðgert er að hann heimsæki allt að 40 bændur á Suðurlandi nú á útmánuðum.

5. Tilraunastarf á Stóra Ármóti og samstarf LbhÍ var næst til umræðu. En stjórn BSSL og sunnlenskir kúabændur hafa verið afar óhressir með að tilraun um áhrif fóðrunar á efnasamsetningu mjólkur og þá einkum fituinnihalds í mjólk skyldi frestast. Um leið og markaðurinn kallar á aukna mjólkurfitu varð fall í fituinnihaldi innveginnar mjólkur. Björn og Áslaug fóru yfir stöðuna hjá LbhÍ en þau hafa verið að glíma við fjárskort og manneklu. Fundarmenn lögðu áherslu á að tilraunastarf á Stóra Ármóti verði eflt og að nýr tilraunastjóri verði ráðinn. Rætt var um að gera nýjan samstarfssamning milli LbhÍ og BSSL. Áslaug ætlar að reyna að finna verkefnisstjóra yfir tilraunina sem var frestað um áhrif fóðrunar á efnasamsetningu mjólkur

Fleira ekki og fundi slitið
Sveinn Sigurmundsson