Áburður
Samkvæmt þeim áburðartilraunum sem gerðar hafa verið virðist í stórum dráttum mega segja að köfnunarefnisþörf korns sé:
| Tegund lands | Korn á 1. ári eftir tún eða grænfóður, kg N/ha | Korn annað árið í röð og síðar, kg N/ha |
| Framræst mýri, frjósöm | 30-45 | 60-75 |
| Mólendi og lítt frjósöm mýri | 45-60 | 75-90 |
| Melar og sandar | 60-90 | 90-120 |
Steinefnaþörf hefur oft verið ofmetin og t.d hafa tilraunir hvergi sýnt fram á uppskeruauka fyrir stærri fosfórskammta en sem nemur 18 kg P/ha og kalí hefur alls ekki gefið uppskeruauka þó ekki sé þorandi að sleppa því alveg. Á grundvelli þessa eru gerðar eftirfarandi tillögur um áburðartegundir:
| Köfnunarefnisþörf lands | Áburður, magn/ha og tegund |
| 30-45 kg N/ha | 250-400 kg garðáburður, t.d. 12-15-17 |
| 50-80 kg N/ha | 350-550 kg miðlungsáburður, t.d. 15-15-15 |
| 90-120 kg N/ha | 450-600 kg túnáburður, t.d. 20-10-10 |
Heimild: Jónatan Hermannsson, Handbók bænda 2003 og 2004.
