Haustfundir BSSL 2016 í sauðfjárrækt

Hrútafundir eða haustfundir í sauðfjárrækt fara að bresta á og þá er líka útgáfudagur Hrútaskrár 2016, en í henni eru lýsingar á hrútunum skrifaðar af sauðfjárráðunautum RML, ritstjóri eins og undanfarin ár er Guðmundur Jóhannesson.  Fundirnir verða haldnir sem hér segir, mánudaginn 21. nóvember kl. 13.00 á Hótel Kirkjubæjarklaustri og um kvöldið kl. 20.00 á Smyrlabjörgum, á þriðjudaginn 22.nóvember verða svo fundirnir kl. 14.00 í Smáratúni í Fljótshlíð og kl. 20.00 í Þingborg. Fyrirlesarar frá Ráðgjafarmiðstöð landbúnaðarins lýsa kostum hrútanna og ræða ræktunarstarfið.  Kaffiveitingar verða í boði Sláturfélags Suðurlands og Búnaðarsambands Suðurlands og verðlaun sem veitt verða fyrir bestu lambhrútana eru gefin af Fóðurblöndunni og verðlaun fyrir bestu Blup hrútana gefa Jötunn vélar.  Vonandi sjá sem flestir áhugamenn um sauðfjárrækt sér fært um að mæta og bændur hvattir til að vera duglegir að nýta sér kosti sæðinganna til að kynbæta fé sitt.