Fræðslufundur um bólusetningu gegn galtarlykt.

Matvælastofnun og atvinnuvega- og nýsköpunarráðuneytið, í samráði við Svínaræktarfélag Íslands, minna á fræðslufund um bólusetningu gegn galtarlykt (Bólusetning – nýr valkostur við geldingar grísa) þriðjudaginn 6. maí 2014 kl. 13:00 – 17:00 í atvinnuvega- og nýsköpunarráðuneytinu að Skúlagötu 4. Upphaflega stóð til að halda fræðslufundinn 29. apríl en fresta þurfti fundinum um viku. Dagskrá má nálgast á mast.is.