Fyrstu niðurstöður heyefnagreininga á Stóra-Ármóti

Óhætt er að segja að beðið hafi verið með nokkrum spenningi eftir niðurstöðum heyefnagreininga á Stóra Ármóti. Það viðraði illa til heyverkunar um miðjan júní þegar tún voru tilbúin til sláttar og drógst sláttur til 20. júní og var að mestu lokið 27. júní.

Tafla 1: Orku- og próteinþættir heyja

Tún	Slegið	Meltanleiki	Fem	Prótein	AAT	PBV	NDF	Þurrefni
Skálholt	20.6.2014	72	0,83	128	71	8	572	30
Litla Heiði	22.6.2014	72	0,83	132	71	12	574	33
Kúadalur austur	27.6.2014	71	0,81	184	67	69	575	51
Stóratún v. veg	22.6.2014	73	0,84	142	71	21	585	29
Fjárhústún	27.6.2014	70	0,80	154	68	39	590	50
Meðaltal		71,6	0,80	148,0	69,5	29,7	579,2	38,5

Tafla 1 sýnir að þessi dráttur á slætti hefur haft veruleg áhrif á efnainnihald heyjanna. Meltanleikinn er lægri og trénisgildin (NDF) hærri en við höfum átt að venjast. Æskilegt hefði verið að sjá meltanleikatölur í kringum 75 og NDF á bilinu 450-500. Ennfremur er próteininnihaldið lágt enda lækkar próteinið hratt þegar plantan þroskast.

Tafla 2: Steinefni

Tún	Ca	P	Mg	K	Na	S	Fe	Mn	Zn	Cu
Skálholt	5,0	2,4	1,7	19	0,3	2,3	76	40	25	7,5
Litla Heiði	3,2	2,5	1,7	17	2,6	2,1	163	52	35	7,7
Kúadalur austur	3,1	3,3	1,9	23	0,6	2,6	124	64	35	9,2
Stóratún v. veg	2,8	2,5	1,5	20	0,8	2,0	87	37	40	6,6
Fjárhústún	2,6	3,5	1,6	26	0,3	2,2	131	59	29	7,3
Meðaltal	3,4	2,8	1,7	20,9	0,9	2,2	116,2	50,4	32,7	7,6

Tafla 2 sýnir steinefninnihald heyjanna. Það vantar nokkuð uppá að heyin fullnægi þörfum fyrir meginsteinefnin, Ca, P, Mg og Na, nokkuð sem er algent þar sem vallarfoxgras er uppistaðan í túnunum. Snefilefnastaðan er hins vegar nokkuð viðunandi. Auðvelt er að bæta kúnum upp steinefnaskortinn með því að blanda steinefnablöndu í heilfóðrið.

Áhugavert verður að fylgjast með niðurstöðum heyefnagreininga þegar þær birtast frá fleiri landsvæðum. Ef þessar niðurstöður endurspegla það sem koma skal er hætt við að átgeta gripanna verði takmörkuð sem gæti leitt til lægri afurða ef ekki er brugðist rétt við.

Stóra Ármóti 14.ágúst 2014 – ghh