Ný nautsmæðraskrá

Nú er komin ný og uppfærð nautsmæðraskrá á vefinn hjá okkur. Ræktunarhópur fagráðs í nautgriparækt ákvað á fundi sínum í maí s.l. að herða nokkuð þær kröfur sem gerðar eru til nautsmæðra og því eru að þessu sinni færri kýr en áður í skránni. Nú telur skráin 264 kýr en að auki er að finna lista yfir efnilegar ungar kýr og kvígur í skránni.

Að venju er mælst til þess að þær kýr sem í skránni er að finna verði sæddar með nautsfeðrum og að tilkynnt verði um ef þær eignast nautkálf með það í huga að hann verði tekinn á stöð. Hið sama gildir um þær efnilegu ungu kýr og kvígur sem eru í skránni.

Þær lágmarkskröfur sem nú eru gerðar til nautsmæðra eru eftirfarandi:

Kynbótamat		Útlitsdómur
Mjólkurmagn	110	Júgur og lögun	8
Próteinmagn	110	Júgurfesta og skipting	8
Prótein%	95	Spenalengd og staðsetning	8
Eigin afurðir	100	Gerð og lögun spena	8
Afurðamat	112	Mjaltir	17
Júgur	95	Skap	4
Spenar	95
Mjaltir	95

Nautsmæðraskrána má skoða með því að smella hér.