Umfang jarðræktar mest í Rangárvallasýslu

Á s.l. ári voru teknir út 11.907 ha. á landinu öllu vegna greiðslu framlaga út á kornrækt, grasrækt og grænfóðurrækt. Kornræktin er mest að umfangi eða 4.765 ha., grænfóðurræktin litlu minni eða 4.118 ha. og grasræktin nam 3.024 ha. Af einstökum sýslum er umfang jarðræktar sýnu mest í Rangárvallasýslu þar sem kornrækt nam 1.173 ha., grasrækt 581 ha. og grænfóðurrækt 565 ha. Rangárvallasýsla er þannig í heild með 2.319 ha. eða 19,5% af allri korn-, gras- og grænfóðurrækt landsins.
Í eftirfarandi töflu má sjá umfangið á Suðurlandi á síðasta ári eftir sýslum.

Sýsla	Kornrækt, ha	Grasrækt, ha	Grænfóður, ha	Samtals, ha
A-Skaftafellssýsla	205	92	267	564
V-Skaftafellssýsla	125	99	265	489
Rangárvallasýsla	1173	581	565	2319
Árnessýsla	1078	463	570	2111
Samtals	2581	1235	1158	5483

Eins og sjá má í töflunni er umfang korn-, gras- og grænfóðurræktar 5.483 ha. á Suðurlandi á síðasta ári eða 46% af landinu öllu.