Viðmiðunarverð kindakjöts 2009

Landssamtök sauðfjárbænda gefa út viðmiðunarverð á kindakjöti fyrir yfirstandandi ár. Samtökin hafa heimild til þess samkvæmt búvörulögum þrátt fyrir að ekki sé um opinbera verðlagningu að ræða.

Vegið meðalverð hækkar um 11% frá síðustu verðskrá sem gefin var út í apríl 2008. Samkvæmt henni verður meðalverð til bænda fyrir dilkakjöt tæpar 475 kr/kg (án vsk) í haust en rúmar 147 kr/kg fyrir kjöt af fullorðnu fé. Vísitala neysluverðs hefur hækkað um tæp 15% frá útgáfu síðustu verðskrár en í ljósi erfiðrar stöðu á kjötmarkaði var ákveðið að ganga ekki lengra nú.

Mesta breytingin felst í því að ekki er lengur gefið út viðmiðunarverð fyrir dilkakjöt til útflutnings en bændur hafa fengið minna greitt fyrir það en kjöt á innanlandsmarkað. Útflutningsskylda á dilkakjöti er fallin niður en mun hagstæðara er nú að flytja út en þegar viðmiðunarverð var síðast gefið út vegna gengisfalls íslensku krónunnar. Hækkunin kemur að mestu fram í því að útflutningsverðið er hækkað upp í innanlandsverð en verðskráin fyrir kjöt á innanlandsmarkað hækkar aðeins rúm 2% frá fyrra ári.

Viðmiðunarverð Landssamtaka sauðfjárbænda fyrir árið 2009
     
Dilkakjöt kr/kg     

Flokkar	1	2	3	3+	4	5
E	520	520	501	455	346	322
U	519	517	501	455	343	315
R	482	496	469	393	315	306
O	424	471	414	380	229	229
P	379	379	229	229	229	229

   
    
Kjöt af fullorðnum gripum kr/kg

Flokkar	1	2	3	3+	4	5
VR	–	–	413	–	355	–
VP	182	–	–	–	–	–
VHR	–	–	78	–	47	–
VHP	56	–	–	–	–	–
FR	–	–	139	–	68	–
FP	60	–	–	–	–	–

   
Verðtaflan er gefin út af Landssamtökum sauðfjárbænda skv. heimild í 8.gr laga nr. 99/1993
Samtökin áskilja sér rétt til breytinga síðar á árinu ef aðstæður gefa tilefni til